MOSCAP issue license for music users by simple procedure.  Music users means companies and people who use music for profit purpose. For example:
      -Karaoke
       -Bar
       -Restaurant
       -Concert Hall
        -TVs
        -Radios
        -FMs
        -Online karaoke etc
 The music users don't limited this list and can be various form.
Нэвтрүүлэг үйлдэгч болон дуу уран бүтээлийг ямар нэгэн байдлаар ашиглах гэж байгаа хэрэглэгчдийн хувьд  зохиогчийн эрхийн эзэмшигч болгонтой  нэг бүрчлэн эрхийг нь тодотгон, зөвшөөрөл авна гэдэг нь маш хүндрэлтэй. Тиймээс хэрэглэгчид маань хамтын удирдлагын байгууллагатай лиценз байгуулан ажилласнаар дуу хөгжмийг өөр өөр олон газарт тоглуулах зохиогчийн эрхийн зөвшөөрөл авахад дөхөмтэй болдог.

RIGHTS PROTECTED

         Аливаа өмчийн хэлбэрийн хувьд үндсэн зарчим нь өмчлөгч нь өөрийн өмчийг өөрийн хүссэнээр ашиглахаас гадна аливаа этгээд түүний зөвшөөрөлгүйгээр хууль ёсоор ашиглаж болдоггүйд оршино. Үүний адилаар хамгаалагдсан бүтээлийн зохиогчийн эрх эзэмшигч нь өөрийн бүтээлийг хүссэнээрээ ашиглах бөгөөд өөр бусад этгээд түүний зөвшөөрөлгүйгээр уг бүтээлийг ашиглахаас сэргийлэх эрхтэй байна. Хамгаалагдсан бүтээлийн зохиогчийн эрх эзэмшигчид үндэсний хууль тогтоомжоор бусад этгээдийн хүлээн зөвшөөрөгдсөн эрх, эрх ашгийг үл хөндөн гуравдагч этгээд уг бүтээлийг ашиглахыг зөвшөөрөх онцгой эрхийг олгодог.
    Зохиогчийн эрх гэдэгт хоёр төрлийн эрхийг хамааруулдаг. Эд хөрөнгийн эрх ньэрх эзэмшигч түүний бүтээлийг бусад этгээд ашигласнаас санхүүгийн шан харамж авахыг хэлнэ. Харин эдийн бус баялагийн буюу амины эрх нь зохиогч болон түүний бүтээл хоорондын хувийн чанартай хэлхээ холбоог хадгалах зарим үйлдэл хийх эрхийг хэлнэ.
Бүтээлийн эрх эзэмшигч нь дараах үйлдлүүдийг зөвшөөрөх, эсвэл хориглох эрхтэй байна. Үүнд:
  • Хэвлэмэл бүтээл, эсвэл дуу авианы бичлэг гэх мэт олон төрлийн хэлбэрээр хуулбарлах
  • Хуулбарласан хувийг түгээх
  • Нийтэд танилцуулах
  • Радио телевизээр нэвтрүүлэх зэрэг бусад хэлбэрээр нийтэд хүргэх
  • Түүнийг бусад хэлэнд орчуулах
  • Туужийг сценари болгох зэрэг өөрчлөн найруулах

Нийтэд танилцуулах, нэвтрүүлэх, нийтийн хүртээл болгох, нийтэд хүртээмжтэй болгох эрхийн талаар

             Олон тооны улсын үндэсний хууль тогтоомжид нийтэд тоглолт гүйцэтгэхийг олон нийт байгаа, эсвэл байж болох, эсвэл нээлттэй бус боловч зөвхөн гэр бүлийн болон ойр дотны хүмүүсийн хүрээнээс гадуурх хангалттай олон тооны хүмүүс байгаа газар дахь  бүтээлийн аливаа тоглолт гэж тодорхойлсон байдаг. Тиймээс театрын тоглолт, концертийн танхим дахь симфони, найрал хөгжим болон бусад төрлийн тоглолтууд нь нийтэд тоглох эрхийн дагуу лиценз авна.                   
                Нийтэд тоглох гэдэгт бичлэгээр дамжуулан тоглохыг мөн ойлгоно. Тийм ч учраас  бүтээлийн дуу авиан бичлэг, эсвэл фонограммыг өсгөгч төхөөрөмж ашиглан шөнийн цэнгээний газар, онгоц, томоохон дэлгүүр худалдааны газрууд, ресторан бар зэрэг газар тоглуулахыг хөгжмийн бүтээлийг нийтэд тоглосонд тооцох бөгөөд зохиогчийн эрхийн дагуу нийтэд тоглох эрхийн зөвшөөрөл авна.

Зохиогчийн эрхээр хамгаалагдах бүтээл

          Зохиогчийн эрхийн хамгаалалтын хувьд "утга зохиол, урлагийн бүтээл" гэдэг ойлголтод утга зохиолын болон урлагийн чанараас үл хамааран зохиогч бүхий аливаа эх бүтээлийг хамааруулна. Тухайн бүтээлийн санаа нь өвөрмөц байхыг шаардахгүй бөгөөд гагцхүү илэрхийлсэн хэлбэр нь зохиогчийн өвөрмөц бүтээл байхыг шаарддаг. Өөрөөр хэлбэл аливаа бүтээлийг хулбарласан байж болохгүй гэсэн үг юм.
       Утга зохиол урлагийн бүтээлийг хамгаалах тухай Бернийн конвенцид (2-р зүйл): "Утга зохиол урлагийн бүтээл" хэмээх нэр томъёонд бүтээсэн арга, хэлбэрийг үл харгалзан утга зохиол, шинжлэх ухаан, урлагийн   бүх бүтээл орно гэж заасан байдаг. Конвенц нь эдгээр бүтээлүүдийн жишээ болгож дараах зүйлүүдийг жагсаасан байна. Үүнд:
  • ном товхимол болон бусад бичмэл зохиол;
  • лекц, хэлсэн үг, номлол болон ийм төрлийн бусад бүтээл;
  • жүжгийн ба хөгжимт-жүжгийн зохиол;
  • бүжгийн бүтээл болон үггүй жүжиг;
  • хөгжмийн үгтэй ба үггүй бүтээл;
  • кино зураг болон түүнтэй ижил аргаар бүтээсэн бүтээл;
  • зураг, уран зургийн, уран барилгын, уран баримлын зураасан зургийн ба чулуун /модон/ барын бүтээлүүд;
  • гэрэл зургийн ба түүнтэй ижил аргаар үйлдсэн бүтээлүүд;
  • хавсарга урлагийн бүтээл, номын зураг, газрын зураг, төлөвлөгөө, үлгэрчилсэн зураг, газарзүй, байр зүй, уран барилгын болон шинжлэх ухааны бусад салбарт холбогдох гурван хэмжээст бүтээлүүд;
  • эх бүтээлийн зохиогчийн эрхийг зөрчихгүйгээр эх бүтээл хэмээн хамгаалагдах орчуулсан, өөрчлөн найруулсан, хөгжмийн найруулга болон бусад утга зохиол, урлагийн бүтээлийг өөрчилсөн бусад хэлбэр;
  • эмхтгэл, цуглуулгын нэг хэсэг болох эх бүтээл бүрийн зохиогчийн эрхийг зөрчихгүйгээр хамгаалагдах нэвтэрхий толь, эмхтгэл зэрэг доторх агуулгыг сонгох, байрлуулсан бүтээл.
Гэхдээ зохиогчийн эрхээр хамгаалагдах бүтээл нь энэхүү жагсаалтад дурьдсанаар хязгаарлагдахгүй.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           
       Нэвтрүүлэх эрх гэдэг дуу авиа, эсвэл дуу авиаг дүрстэй нь радио телевиз эсвэл сателлит антенн зэрэг утасгүй хэлбэрээр олон нийт хүлээн авах боломжтой болгох зорилгоор дамжуулахыг ойлгоно. Бүтээлийг нийтэд хүргэх гэж дохиог утастай болон утасгүй хэлбэрээр цацах бөгөд үүнийг зөвхөн дохиог тайлахад шаардлагатай төхөөрөмж бүхий хүмүүс л хүлээн авах боломжтой байхыг хэлнэ. Кабелиар дамжуулах нь нийтэд хүргэхийн нэг жишээ юм.
             Монгол Улсын "Зохиогчийн эрх болон түүнд хамаарах эрхийн тухай" хуулийн дагуу “нийтэд түгээх” гэдгийг бүтээл, зохиогчийн эрхэд хамаарах эрхийн объектийг хэрэглэгч өөрийн сонгосон цаг, газраас хүртэх боломжтой байдлаар утсан болон утасгүй холбоогоор нийтэд тараахыг ойлгоно хэмээн заасан байдаг.  Харин “бүтээлийг хуулбарлах” гэдгийг  3 дугаар зүйлийн 3.1.6-д заасны дагуу  бүтээл, бүтээлийн хэсэг, зохиогчийн эрхэд хамаарах объектыг нэг буюу түүнээс дээш тоогоор шууд буюу шууд бусаар, аливаа арга хэлбэрээр олшруулахыг ойлгоно гэжээ.

Эдийн бус баялагийн эрхүүд

Бернийн конвенцид эдийн бус баялагийн эрхэд дараах хоёр эрхийг хамааруулна хэмээн заасан байдаг. Үүнд:
  • бүтээлийн зохиогч болохоо хүлээн зөвшөөрүүлэх эрх/нэрээ дурьдуулах эрх/
  • зохиогчийн алдар нэр, нэр хүндэд халдаж болзошгүй байдлаар бүтээлийг гажуудуулах, өөрчлөх, эсвэл бүтээлтэй холбоотой бусад харш үйлдлүүдийг эсэргүүцэх эрх /бүтээл халдашгүй байх эрх /
 Конвенцид заасны дагуу эдгээр эрхүүдийг зохиогчийн эдийн засгийн эрхээс гадна бие даасан эрх байхыг, мөн зохиогч нв өөрийн эдийн засгийн эрхийг бусдад шилжүүлсэн тохиолдолд ч өөрт нь хадгалагдаж үлдэх эрх байхыг шаарддаг. Амины эрхийг зөвхөн хувь хүмүүс л эдлэнэ. Тэгэхээр жишээлбэл киноны продюсер, өргөн нэвтрүүлгийн үйлчилгээ эрхлэгч байгууллагууд бүтээлийн эдийн засгийн эрхийг эдлэж болох ч зөвхөн зохиогч хувь хүн нь л амины эрхийг эдлэх юм.